यो खण्डले तपाईंलाई बेलायतको नागरिकताको लागि आवेदन गर्न मद्दत गर्नेछ ।

बेलायतको नागरिकताको लागि आवेदन गर्न धेरै तरिकाबाट आफ्नो योग्यता प्रमाणित गर्न सकिन्छ ।  यदि तपाईं १८ बर्ष वा सो भन्दा बढि उमेरको हुनुहुन्छ र  बेलायतमा विगत पाँच वर्षदेखि बस्दै आउनुभएको छ (वा तीन बर्ष यदि बेलायतको नागरिक सँग विवाह गर्नु भएको छ वा जीवन साथीको रुपमा हुनुहुन्छ) भने तपाईंले बेलायतको नागरिक बन्नको लागि आवेदन गर्न सक्नुहुन्छ ।

आफूले बेलायतको नागरिकता लागि आवेदन गर्न सक्छु कि भनेर थाहा पाउनका लागि युके बोर्डर एजेन्सीको वेबसाइट हेर्नुहोस् ।

बेलायतको नागरिकताको लागि आवेदन गर्न योग्य भएपछि, तपाईंले तीन फरक तरिकाबाट आवेदन गर्न सक्नुहुन्छ:

• नेसनल चेकिंग सर्भिस (एन.सी.एस.)मार्फत आवेदन गर्ने । 
• एजेन्ट वा प्रतिनिधि मार्फत आवेदन गर्ने ।  यदि तपाईं एजेन्ट वा प्रतिनिधि मार्फत आवेदन गर्नुहुन्छ भने, उनीहरु अफिस अफ द इमिग्रेसन सर्भिस कमिस्नर (ओ.आई.एस.सी.)मा दर्ता छन् भन्ने कुरा सुनिश्चित गर्नुहोस् ।

कुनै एजेन्ट वा प्रतिनिधि खोज्न वा तपाईंको एजेन्ट दर्ता भएको छ कि छैन भएर थाहा पाउनका लागि ओ.आई.एस.सी.को वेबसाइट हेर्नुहोस् ।

• तपाईंले व्यक्तिगत आवेदन पनि गर्न सक्नुहुन्छ । आवेदन फारम र मार्गदर्शनमा कुन कागजातहरू पेश गर्नुपर्छ भन्ने बारेमा मार्गनिर्देशन छन् ।  यदि तपाईंले आवश्यक कागजातहरू उपलब्ध गराउनु भएन भने तपाईंको आवेदन ढिलो हुनसक्छ ।

तपाईं योग्य हुनु भएपछि र आवेदन गर्ने निर्णय गर्नु भएपछि फारम र मार्गदर्शन डाउनलोड गर्न सक्नुहुन्छ ।   तपाईंले भर्नु पर्ने फारम तपाईंको विशिष्ट परिस्थिति र तपाईंले आवेदन गर्ने नागरिकताको प्रकारमा भर पर्छ ।

तपाईंलाई कुन नागरिकता फारम आवश्यक पर्छ भनेर थाहा पाउनका लागि युके बोर्डर एजेन्सीको वेबसाइट हेर्नुहोस् ।

युके बोर्डर एजेन्सीसँग बेलायतको नागरिकताको लागि आवेदनको प्रकारहरुको बारेमा उपयोगी हुनसक्ने थप जानकारी पर्चाहरुको रुपमा छ ।

बेलायतको नागरिकता सम्बन्धी पर्चा डाउनलोड गर्नका लागि युके बोर्डर एजेन्सीको वेबसाइट हेर्नुहोस् ।