निवृत्तिभरणहरू, केही करका फाइदाहरू सहित, अवकाशका लागि बचत गर्ने उपाय हुन् । जब तपाईं अवकाश लिनुहुन्छ वा निश्चित उमेर पुग्नुहुन्छ, एक निवृत्तिभरण योजनाले जीवन भरका लागि नियमित आय प्रदान गर्दछ ।

 

निवृत्तिभरण योजनाहरू मुख्यतः तीन प्रकारका हुन्छन्: राज्यको निवृत्तिभरण, व्यक्तिगत निवृत्तिभरण र कम्पनीको (पेशागत) निवृत्तिभरण ।

द बेसिक स्टेट पेन्सन द बेसिक स्टेट पेन्सन सरकारद्वारा प्रदान गरिने एक निवृत्तिभरण हो । यो तपाईंले भुक्तानी गर्नु भएका नेशनल इन्स्योरेन्स कन्ट्रीब्युसन्स (एन.आइ.सी.एस्.)मार्फत प्राप्त योग्यता पुगेका वर्षहरूको संख्यामा आधारित हुन्छ । 

द पर्सनल पेन्सन व्यक्तिगत निवृत्तिभरणहरू तपाईंको बचत तपाईंको तर्फबाट लगानी गर्ने बैंक, बिल्डिङ सोसाइटीहरू र जीवन बीमा कम्पनीहरूबाट उपलब्ध गराइन्छन् ।   यदि तपाईं जागिरे हुनुहुन्छ तर कम्पनीको निवृत्तिभरण योजनामा हुनुहुन्न भने, वा कम्पनीको निवृत्तिभरणका अतिरिक्त निवृत्तिभरणको रूपमा व्यक्तिगत निवृत्तिभरण एक राम्रो रोजाई हुनसक्छ । यदि तपाईं स्वरोजगारीमा हुनुहुन्छ, वा तपाईं काम गर्दै हुनुहुन्न तर अवकाशका लागि पैसा छुट्याउन सक्नुहुन्छ भने तपाइले व्यक्तिगत निवृत्तिभरणको पनि व्यवस्था गर्दा राम्रो हुन्छ ।  

द कम्पनी (अकुपेशनल) पेन्सन: कम्पनीको (पेशागत) निवृत्तिभरण रोजगारदाताहरूद्वारा आफ्ना कर्मचारीहरूका लागि व्यवस्था गरिएको हुन्छ । धेरै अवस्थाहरूमा, तपाईंको रोजगारदाताले यो योजनामा तपाईंको तर्फबाट योगदान गर्दछन् र तपाईंले आफ्नो तलबबाट नियमत भुक्तानी गर्नु आवश्यक हुन्छ ।

निवृत्तिभरणहरूको बारेमा थप जानकारीको लागि तलका वेबसाइटहरू हेर्नुहोस्: 

यदि तपाईं ६० बर्ष वा सो भन्दा बढि उमेरको हुनुहुन्छ र न्यून आयमा हुनुहुन्छ भने, तपाईं पेन्सन क्रेडिटको लागि हकदार हुन सक्नुहुन्छ, जसले जिउनको लागि तपाईंलाई प्रत्येक हप्ता थप पैसा दिन्छ ।  

 

 

सोमवार- शुक्रवार बिहान ८ बजे- बेलुकी ८ बजे

शनिवार बिहान ९ बजे- दिउँसो १ बजे