इ.इ.ए. र स्विस नागरिकहरूलाई अनुमतिको लागि आवेदन नगरी बेलायतमा प्रवेश गर्ने र बस्ने स्वतन्त्रता छ |
बुल्गेरिया र रोमानियाका नागरिकहरू (A2 देशहरु)
युरोपेली आर्थिक क्षेत्र (इ.इ.ए.)को नागरिकको रूपमा तपाईं कुनै पनि युरोपेली संघ (इ.यु.)को सदस्य राष्ट्रमा स्वतन्त्र रूपमा जान र बस्न सक्नुहुन्छ । तपाईंले बेलायतको अध्यागमन नियम अन्तर्गत बेलायत प्रवेश गर्न वा बस्नको लागि अनुमति लिनु पर्दैन ।
बेलायतमा काम गर्नका लागि सामान्यतया तपाईंले कामदार पद प्राप्ति कार्डको लागि आवेदन गर्नु पर्ने हुन्छ । तपाईंको रोजगार दाताले पनि तपाईंको कार्य अनुमतिका लागि आवेदन गर्नुपर्ने हुनसक्छ ।
आफूलाई पद प्राप्ति कार्ड वा कार्य अनुमतिको आवश्यकता सम्बन्धी थप जानकारीको लागि युके बोर्डर एजेन्सीको वेबसाइट हेर्नुहोस् ।
द सिजनल एग्रीकल्चरल वर्कर्स स्किम (एस.ए.डब्लु.एस.)
यो स्किमले रोमानिया र बुल्गेरियाका नागरिकहरूलाई बेलायतमा छ महिनासम्म कृषिजन्य काम गर्ने अनुमति दिन्छ । एस.ए.डब्लु.एस.स्किममा भएका कामदारहरूले निम्नलिखित कृषिजन्य काम गर्नेछन्:
- बाली लगाउने र भित्र्याउने
- कृषि-क्षेत्रमा नै बाली प्रशोधन र प्याकिङ गर्ने
- पाल्तु जनावरहरुको हेरचाह गर्ने
एस.ए.डब्लु.एस.का लागि योग्य हुनका लागि तपाईंको उमेर १८ बर्ष भन्दा बढि भएको र कार्य कार्डका लागि नौ वटा स्वीकृत सञ्चालक मध्ये एक मार्फत आवेदन गर्नु पर्दछ । एस.ए.डब्लु.एस.स्वीकृत सञ्चालकहरू युके बोर्डर एजेन्सीको वेबसाइटको तलको कडीमा दायाँतर्फ सूचीकृत छन् ।
डब्लु.आर.एस.मा दर्ता सम्बन्धी बढि जानकारीको लागि युके बोर्डर एजेन्सीको वेबसाइट हेर्नुहोस् ।
द सेक्टर बेस्ड स्किम (एस.बि.एस.)
यो स्किमले रोमानिया र बुल्गेरियाका नागरिकहरूलाई बेलायतमा खाद्यान्न उत्पादन गर्ने उद्योगमा बढीमा १२ महिनासम्म काम गर्ने अनुमति दिन्छ । एस.बि.एस. अन्तर्गत काम लगाइएका कामदारहरुले निम्नलिखित मध्ये एक वा सो भन्दा बढि क्षेत्रहरूमा काम गर्छन्:
- माछा प्रशोधन
- मासु प्रशोधन
- च्याउ प्रशोधन
एस.बि.एस.का लागि योग्य हुन तपाईंको उमेर १८ र ३० बर्षको बीचमा हुनुपर्छ । सेक्टर बेस्ड स्किम (एस.बि.एस.) को लागि आवेदन गर्न तपाईंले युके बोर्डर एजेन्सीको वेबसाइटमा भएको एस.बि1 फारम भर्नुपर्छ ।
सेक्टर बेस्ड स्किम (एस.बि.एस.)को लागि आवेदन सम्बन्धी बढि जानकारीको लागि युके बोर्डर एजेन्सीको वेबसाइट हेर्नुहोस् ।
पोइन्ट बेस्ड सिस्टम (वा) गैर-इ.इ.ए.का नागरिकहरू
काम गर्नका लागि बेलायत आउन चाहने गैर-इ.इ.ए.का नागरीकहरूले, सामान्यतया नम्बरमा आधारित यस प्रणाली अन्तर्गत योग्यता प्रमाणित गर्ने अपेक्षा गरिन्छ । पोइन्ट बेस्ड सिस्टमले कामको प्रकार व्यवस्थित गर्दछ:
टियर १ – उच्च दक्षता भएका व्यक्तिहरूका लागि । यसमा योग्यता प्रमाणित गर्ने व्यक्तिहरुलाई श्रम बजारमा स्वतन्त्र पहुँच दिइनेछ ।
टियर २ – बेलायतमा रोजगारको प्रस्ताव पाएका दक्ष व्यक्तिहरुका लागि ।
टियर ५ – बेलायतमा निश्चित खालका अस्थायी कामहरूका लागि ।
पोइन्ट बेस्ड सिस्टम सम्बन्धी बढि जानकारीको लागि युके बोर्डर एजेन्सीको वेबसाइट हेर्नुहोस् ।
