यदि तपाईंसँग बेलायत, इ.यु. वा स्विजरल्याण्डको राहदानी छैन भने, बेलायतमा आउनको लागि तपाईंलाई प्रवेशाज्ञा (प्रवेश सफाइ) चाहिन्छ । तपाईं तल उल्लेखित दुई मध्ये एक श्रेणीमा पर्नुहुन्छ:
प्रवेशाज्ञा चाहिने देशको
आफ्नो देश प्रवेशाज्ञा चाहिने देशहरुको सूचिमा छ कि भनेर थाहा पाउनका लागि होम अफिसको वेबसाइट हेर्नुहोस् ।
यदि तपाईंको देश यो सूचिमा छ र तपाईं बेलायतको यात्रा गर्दै हुनुहुन्छ भने, तपाईंलाई प्रवेशाज्ञा चाहिन्छ । तपाईंले आफ्नो देशको बेलायती कन्सुलेट वा दूतावासमा प्रवेशाज्ञाको लागि आवेदन गर्नुपर्नेछ ।
आफ्नो देशमा कहाँ आवेदन गर्ने भनेर थाहा पाउनका लागि &फरेन कमनवेल्थ अफिसको वेबसाइट हेर्नुहोस् ।.
यदि तपाईं प्रवेशाज्ञा चाहिने देशको हुनुहुन्छ तर तपाईं बेलायत मार्फत अन्य कुनै देशको यात्रा गर्दै हुनुहुन्छ भने पनि तपाईंलाई पारगमन वा आगन्तुक प्रवेशाज्ञा चाहिन्छ ।
पारगमन वा आगन्तुक प्रवेशाज्ञा सम्बन्धी थप जानकारीको लागि युके बोर्डर एजेन्सीको वेबसाइट हेर्नुहोस् ।
प्रवेशाज्ञा नचाहिने देशको व्यक्ति
यदि तपाईंतपाईंको देश माथिको प्रवेशाज्ञा चाहिने देशहरुको सूचिमा छैन भने, तपाईंलाई प्रवेशाज्ञा चाहिंदैन ।
तपाईं प्रवेश गर्न लागेको श्रेणीमा आवश्यकता नहुँदासम्म, छ महिना भन्दा कम समयका लागि बेलायत आउन लागेका प्रवेशाज्ञा नचाहिने देशका व्यक्तिहरूलाई प्रवेशाज्ञा चाहिंदैन ।
छ महिना भन्दा बढि समयका लागि बेलायत आउन लागेका प्रवेशाज्ञा नचाहिने देशका व्यक्तिहरूलाई प्रवेशाज्ञा चाहिन्छ ।
प्रवेशाज्ञा नचाहिने देशका व्यक्तिहरू यदि पोइन्ट बेस्ड सिस्टममा काम गर्नका लागि आउने हो भने सामान्यतया उनीहरूलाई प्रवेश सफाइ चाहिन्छ ।
आफूलाई बेलायत प्रवेश गर्नका लागि प्रवेशाज्ञाको आवश्यकता सम्बन्धी अतिरिक्त जानकारीको लागि तपाईं युके बोर्डर एजेन्सीको पृष्ठ हेर्न सक्नुहुन्छ । त्यहाँ तपाईंले आफूलाई प्रवेशाज्ञा चाहिन्छ कि भनेर थाहा पाउन र बेलायत आउँदा कुन कागजात आवश्यक पर्छन् भनेर थाहा पाउन प्रवेशाज्ञा सोधपुछ फारम भर्न सक्नुहुन्छ ।
युके बोर्डर एजेन्सीको वेबसाइट हेर्नुहोस् र प्रवेशाज्ञा सोधपुछ फारम भर्नुहोस् ।.
बेलायत प्रवेश गर्न कुन कुन कागजातहरू मान्य हुन्छन् ?
इ.यु. र इ.इ.ए.का नागरिकहरूका लागि राहदानीहरु र परिचय पत्रहरु मान्य कागजातहरू हुन् र गैर-युरोपेली देशका नागरिकहरूका लागि राहदानीहरु र प्रवेशाज्ञाहरु मान्य कागजातहरू हुन् ।
युके बोर्डर एण्ड कस्टम्स कन्ट्रोल
यदि तपाईं इ.यु. वा इ.इ.ए.को नागरिक हुनुहुन्छ भने, तपाईंले इ.यु./ इ.इ.ए. को अलग मार्ग प्रयोग गर्न सक्नुहुन्छ जहाँ तपाईंको राहदानी वा परिचय पत्र अझै छिटो जाँच गरिन्छ । यदि तपाईं इ.यु. वा इ.इ.ए.को नागरिक हुनुहुन्न भने, तपाईंले सिमाना पार गर्न गैर-इ.यु./ इ.इ.ए.को मार्ग प्रयोग गर्नुपर्छ ।
बेलायतको सिमानामा (इ.यु. वा इ.इ.ए.को नागरिकले) अपेक्षा गर्नु पर्ने कुराहरू सम्बन्धी जानकारीको लागि युके बोर्डर एजेन्सीको वेबसाइट हेर्नुहोस् ।
यदि तपाईं इ.यु. वा इ.इ.ए.को नागरिक हुनुहुन्न भने तपाईंले एक अवतरण कार्ड भर्नु पर्छ जुन तपाईंले बेलायत आउन लागेको हवाईजहाज, पानीजहाज, रेल, बसमा वा भन्सारमा पाउन सक्नुहुन्छ । अवतरण कार्डमा तपाईंका निम्न कुराहरू सूचीकृत गर्नुहोस् :
- तपाईंको उडान नम्बर र तपाईं आउनु भएको देश तथा/वा शहरको नाम
- नाम र थर
- जन्म विवरण र लिङ्ग
- राष्ट्रियता र वास्तविक पेशा
- बेलायतमा रहँदाको तपाईंको पोस्टकोड सहितको सम्पर्क ठेगाना
- हस्ताक्षर
यदि तपाईं कुनै निश्चित देशहरूबाट आउनुभएको छ र बेलायतमा छ महिना भन्दा बढि समय बस्न चाहनुहुन्छ भने, तपाईंले योग्य चिकित्सकसँग आफ्नो स्वास्थ्य परीक्षण गराउन पर्न सक्छ ।
बेलायतको सिमानामा ((गैर-इ.यु. वा इ.इ.ए.को नागरिकले) अपेक्षा गर्नु पर्ने कुराहरू सम्बन्धी जानकारीको लागि युके बोर्डर एजेन्सीको वेबसाइट हेर्नुहोस् ।
यदि तपाईं बेलायत आउने वा बेलायत बाहिर जाने योजना गर्दै हुनुहुन्छ भने, कर वा मूल्य अभिवृद्धि कर (भ्याट) नतिरी तपाईंले कुन कुन सामानहरू आफूसँग ल्याउन सक्नुहुन्छ भन्ने बारेमा नियमहरू छन् । कुनै कुनै सामानहरू कानुन द्वारा पनि प्रतिबन्धित वा बन्देज गरिएका छन् ।.
बेलायतमा सामान तस्करी गर्नेलाई सजायँ हुन्छ:
- अरू कसैको लागि कहिल्यै पनि कुनै पनि चीज नल्याउनुहोस्
- बेलायतमा प्रतिबन्ध सामानहरू कहिल्यै पनि नल्याउनुहोस्
- यदि तपाईं सवारी चलाउँदै हुनुहुन्छ भने, तपाईंसँग यात्रा गरिरहेका सबैलाई कुन सामानहरू प्रतिबन्धित वा बन्देज गरिएका छन् भनेर थाहा छ भन्ने कुरा सुनिश्चित गर्नुहोस्
- यदि तपाईंले बेलायतमा सामान तस्करी गर्नुभयो भने, अध्यागमनका अधिकारीहरूले तपाईंको सवारीसाधन जफत गर्न सक्छन्
- बेलायतमा कुनै जनावरको तस्करी नगर्नुहोस्
