डिसएबिलीटि लिभिङ एलावेन्स(डी.एल.ए.) व्यक्तिगत रेखदेख गर्न मद्दत चाहिने वा शारीरिक वा मानसिक अशक्तताको कारणबाट हिँडडुल गर्न कठिनाइ भएका बालबालिकाहरु र वयस्कहरूका लागि दिइने एक करमुक्त बेनिफिट हो ।  काम गर्ने भएपनि नभएपनि तपाईंले डिसएबिलीटि लिभिङ एलावेन्स पाउन सक्नुहुन्छ र प्राय: तपाईंका कुनै आम्दानी वा बचतहरूले असर पार्दैन ।

 

केयरर्स एलावेन्स विकलाङ्ग व्यक्तिहरूको रेखदेख गर्ने व्यक्तिहरूको मद्दतको लागी दिइने एक करयुक्त बेनिफिट हो । तपाईंले हेरचाह गर्ने व्यक्ति तपाईंको नाता पर्ने वा तपाईंसँगै बस्ने हुनुपर्छ भन्ने छैन ।

 

यदि तपाईं १६ बर्ष वा सो भन्दा बढि उमेरको हुनुहुन्छ र हप्तामा कम्तीमा ३५ घण्टा समय बिरामी वा विकलाङ्ग व्यक्तिको स्याहार गरेर बिताउनु हुन्छ भने तपाईं केयरर्स एलावेन्सको लागि योग्य हुन सक्नुहुन्छ ।  

 

यदि तपाईं प्रति हप्ता २१ घण्टा वा बढि निगरानीयुक्त अध्ययन सहितको पूर्णकालिन शिक्षामा हुनुहुन्छ वा निश्चित कटौतीहरू (जस्तै आयकर) गरिएपछि प्रति हप्ता £९५ भन्दा बढि कमाउनुहुन्छ भने तपाईंले केयरर्स एलावेन्स प्राप्त गर्न सक्नुहुन्न ।