चाइल्ड ट्याक्स क्रेडिट प्राप्त गर्नको लागि तपाईंले कम्तीमा पनि एउटा बच्चाको (१६ वर्ष सम्मको) उत्तरदायित्व बहन गरेको हुनुपर्छ वा बेलायतमा तपाईंसँग कुनै योग्य युवा व्यक्ति (१६-२० वर्षको पूर्ण कालिन शिक्षामा) बसिराखेको हुनुपर्छ ।

 

चाइल्ड ट्याक्स क्रेडिट सिधै त्यो व्यक्तिलाई भुक्तानी गरिन्छ जो बच्चा वा बालबालिकाहरूको स्याहारका लागि मुख्य रूपमा उत्तरदायी हुन्छ । चाइल्ड ट्याक्स क्रेडिट त्यस कामदारहरूलाई प्रदान गर्न सकिन्छ जसले बेलायतबाट कामको लागि युरोपेली आर्थिक क्षेत्रको अन्य देशमा खटाइँदा पनि यूके नेशनल इन्स्योरेन्स कन्ट्रीब्युसन्स तिर्न जारी राखेका छन् ।

 

एचएम् रेभेन्यु एण्ड कस्टम्स (एच.एम्.आर.सी.) चाइल्ड ट्याक्स क्रेडिट सम्बन्धी राष्ट्रिय निकाय हो । तिनीहरूले तपाईंलाई थप जानकारी प्रदान गर्न सक्छन् र तपाईं चाइल्ड ट्याक्स क्रेडिट प्राप्त गर्न योग्य हुनुहुन्छ कि हुनुहुन्न भन्न सक्छन् ।